| ماسي الاغتراب | |
|
|
كاتب الموضوع | رسالة |
---|
سلمان يوسف (ود ابقرد )
المساهمات : 27 تاريخ التسجيل : 24/11/2008
| موضوع: ماسي الاغتراب الإثنين ديسمبر 01, 2008 7:59 pm | |
| سليمة بائعة اللبن
*****
بنياتن لي سليمة في بيتنا جن
قاصدات زيارة أم الحسن
قعدن مسافة وروحن
سألت أمي
سليمة لسة بتبيع اللبن؟
ضحكت وقالت00
إت بي صحّك يا الحسن
والله عندك جنس محن
ولا في شان كنت غائب في اليمن
الحمد لله الماقلتو قدامن
كانن بكن
سليمة البقيرات باعتن
في شان تسوي لوليدها الجواز
وباقي أغراض السفر
لي دار الحجاز
قصّير الفوقنا ده حولو
وقالوا إلليل ما اشتغل
ياكل ينوم متل البغل
وسليمة رجعت تشتغل
وشن الشغل
ترى العواسة الفي التكل
تعوس لي محاسن وسميّة وزحل
والبنيّات الشفتهن
الكبيرة تلقط في القطن
والصغيرة تقرأ في مدرسة المهل
والصغار حايمين متل النحل
المسكينة صبحت من غير عقل
سليمة بتبيع اللبن؟
إنشاء الله خشمك فوقو اللبن
دحين مع السفر فضلت بهيمة بتنحلب
ولا فضل جنايّاً يحويلو بقرة
الكل سافر وإغترب
ما فضل زول بين العرب
الأّ الكبار المتل أبوك
الما فيهم سبب
ويا حليل زمان وكتين يقولو
طه بالبهائم سرب
والبنيّات يفزعن للحطب
كلو إنتهى وحلّ الغضب
من رب العباد
شان العباد دايره تاكل بالغصب
والدنيا باقيالهم درب
نسألك يا ربي العفو والعيشة الكريمة
ونسالك يا ربنا ترجّع البقيرات لي سليمة
عشان تبيع لينا اللبن | |
|
| |
mdtayeb
المساهمات : 291 تاريخ التسجيل : 13/09/2008
| موضوع: رد: ماسي الاغتراب الخميس ديسمبر 18, 2008 9:36 pm | |
| تغرب عن الأوطان في طلب العلى وسافر ففي الأسفار خمس فوائد
تفرج هم واكتساب معيشة وعلم وآداب وصحبة ماجد
فإن قيل في الأسفار ذل ومنة وقطع الفيافي وارتكاب الشدائد
فموت الفتى خير له من مقامه بدار هوان بين واش وحاسد
| |
|
| |
Tajuddin
المساهمات : 131 تاريخ التسجيل : 15/10/2008
| موضوع: رد: ماسي الاغتراب الخميس يناير 22, 2009 2:06 pm | |
| - mdtayeb كتب:
تغرب عن الأوطان في طلب العلى وسافر ففي الأسفار خمس فوائد
تفرج هم واكتساب معيشة وعلم وآداب وصحبة ماجد
فإن قيل في الأسفار ذل ومنة وقطع الفيافي وارتكاب الشدائد
فموت الفتى خير له من مقامه بدار هوان بين واش وحاسد
هذا عزاؤنا .. يا ود عتمان ... يعطيك العافية... تحياتي .. الأخ سلمان | |
|
| |
الحفيان
المساهمات : 2 تاريخ التسجيل : 22/10/2008 العمر : 40
| موضوع: رد: ماسي الاغتراب الأحد يناير 25, 2009 2:38 pm | |
| الغربةُ : فاجعةٌ يتم إدراكها علي مراحل ولا يكتمل الوعي بها ، إلا بإنغلاقِ ذلك التابوت على أسئلتك التي بقيت مفتوحةً عمراً باكمله ... ولن تكون هنا لتدرك كم كنت غريباً قبل ذلك ولا كم ستصبحُ منفياً بعد الآن والسفرُ يظل دوماً إحتقاراً للوطنِ وخيانةص عظمى له يدفع ثمنها غالباً أبناء المغتربين واسرهم بدموعِ من شبع غربةً ، وما بقي له سوى جوعِ الوطن .... أعدك يا صديقي برسالة عن هذا الموضوع ترقبها _ بل ترقبوها _ جميعاً في هذا المنتدي . | |
|
| |
سلمان يوسف (ود ابقرد )
المساهمات : 27 تاريخ التسجيل : 24/11/2008
| موضوع: رد: ماسي الاغتراب الأحد يناير 25, 2009 5:44 pm | |
| شكرا الاخوان محمد الطيب والتاج والرائع معز على المرور وننتظر منكم الكثير اخي معز نحتاجك بشدة وكم نحن جوعى لجديد شعرك ونرجو المواصلة وعدم الانقطاع | |
|
| |
Tajuddin
المساهمات : 131 تاريخ التسجيل : 15/10/2008
| موضوع: رد: ماسي الاغتراب الإثنين يناير 26, 2009 9:42 am | |
| أصعب كلام في الشوق .. يكون لى زول عزيز ... و يكون قريب لا ليك اصل و لا إنت قادر تصلو .. تلقاه برضو إكوس عليك داير كلامك اصلو إلا الزمن خلى الوصال ... نكتب حروفو و نرسلو ...
الرسالة أعلاه .. مهداه من ( الزعلان ود حسكو ) الى الأخ سلمان يوسف | |
|
| |
عبدالله صديق(ودكنيزة)
المساهمات : 9 تاريخ التسجيل : 25/01/2009
| موضوع: رد: ماسي الاغتراب الإثنين يناير 26, 2009 10:53 am | |
| لكم التحية ايها المسافرون عنا بعيدا الوجودون معنا قريبا بإذن الله ورد الله غربتكم فى حفظ وأمان (تحياتي لكم سلمان) لو ماعرفتي انا أسأل العنبة | |
|
| |
Tajuddin
المساهمات : 131 تاريخ التسجيل : 15/10/2008
| موضوع: رد: ماسي الاغتراب السبت فبراير 21, 2009 3:25 pm | |
| | |
|
| |
Tajuddin
المساهمات : 131 تاريخ التسجيل : 15/10/2008
| موضوع: رد: ماسي الاغتراب السبت فبراير 21, 2009 3:28 pm | |
| المقطع أعلاه مهداء الى الأخ سلمان و كل الطيور خارج السرب ... و تقبلوا تحياتي الغاليات ... | |
|
| |
سلمان يوسف (ود ابقرد )
المساهمات : 27 تاريخ التسجيل : 24/11/2008
| موضوع: رد: ماسي الاغتراب السبت مارس 07, 2009 11:19 am | |
| شكرا أخي العزيز التاج على الهدية الرائعة وهذا هو ديدنك دائما ما تأتي بالجميل المتجدد ودمت مشاركا متميزا | |
|
| |
| ماسي الاغتراب | |
|