منتدى العريباب (مدني)

العريباب فى حدقات العيون
 
الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول
شاطر | 
 

 رائعة جعفر السقيد عم الزين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قمرالدين



عدد المساهمات: 123
تاريخ التسجيل: 15/09/2008

مُساهمةموضوع: رائعة جعفر السقيد عم الزين   الثلاثاء أكتوبر 28, 2008 8:27 am

[u[center]]عم الزين[/u]

يوم الناس قالولك لا لا وأستنوك ما تفوت الدار

ضرب بكلامهم عرض الحائط وشلت شنيطك بإصرار

قلت بسافر أيوه بسافر كل الناس بتقوم وتسافر

فعلا قمت ومشيت رائك وأتصرفت بدون ماتشاور

جيت البندر بآمآلك إلا لقيت الوضع مغاير

خاب الأمل الجيت عشانو وقمت تلوم فى الزمن الجائر

كنت هناك بالجد متريح فوق واطاتك طالع ونازل

تأكل وتشرب من نخلاتك وتصرف وتنفق من غير فائل

أخير يوم لبيتك ترجع لافى مدافرة لافى مشاكل

لابتقيف فى باص شماعة دمك فائر وعرقك سائل

لانشال ينشل ماهيتك لاكمسارى معاك متثاقل

لابتأشر للملاكى سوقنى معاك ياعم إن واصل

تحرج نفسك وإنت بتعرف إنو الطيبه أنصارها قلايل

***************
إنو تعوم عكس التيار إنت براك البدرى اخترت

وليه ياقلبى تنوح تتبكى وتندب حظك ليل ونهار

لمن قمت وجيت البندر كنت تظن الحال يتصلح

كنت بتحلم بمستقبل فيه أبواب الخير تتفتح

إلا لقيت الواقع أمر وزينا ناس تعبانه وتكدح

ناساً عايشة معيشة الراقى بتلفونا بتخسر وتربح

وناساً عايشة على الماهية من يوم خمسة الجيب بتقمح

غايتو الحالة معادلة صعبةكأنو الناس قاعدين فى مسرح
***************
عندى سؤال بالجد حيرنى ونشف ريقى وراه نشاف

وليل ونهار شاغل تفكيرى ولما بقيت أنا منو أخاف

حال الزول القالوا موظف وراتبو الشهرى شوية ألآف

لو عديت مصروفو الشهرى أكيد تلقاه أضعاف أضعاف
**********

حلو معاى المسألة دى وساعدو معاى العم الزين

زول محمول وعندو أطفال شان ماياكلوا يجيب من وين

يسرق ينهب يشحد ولا ولا كمان يغرق فى الدين

عندو محمد وأحمد وساره وخمسة أطفال فوقم تومين

لازم يقروا وياكلوا كويسلازماً يلبسوا لبساً زين

قولوا معاى يسوى شنو عشان ما يعيشوا يجيب من وين
**********
عم الزين يعلمبو البارى ديمه عليه الجو محروق

كان فى الماضى ركازة الحلة وياهو البربط للمفكوك

هسع وين ياحليلو التائه ودر وأصبح جنو كلام

يضرب عربى مبالغ فيه ناس الحى سمو النضام

مرات يضحك لمن تشفق ومرات يبكى بكى الأيتام

عندو عبارة تملى يقولها أوعك تحسبها بالأرقام

تتعب نفسك بتضريبها وآخر حاجة تجيك أوهام
***********
بعد الشفتو براك ياقلبى أحسن ترجع منك وليك

خلى وظيفة المكتب طايرة لا لا قسم مالايقه عليك

عود من تانى وأزرع أرضك دى ما بتخدر إلا بإيديك

عزة نفسك فى واطاتك جنب نخلاتك وبين والديك

مع أندى التحايا
أبشنب[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Tajuddin



عدد المساهمات: 131
تاريخ التسجيل: 15/10/2008

مُساهمةموضوع: رد: رائعة جعفر السقيد عم الزين   الأربعاء أكتوبر 29, 2008 9:33 am

والله رائعة فعلا يا ابشنب ... بس دي قاصدانا عديل كدة .... نرجع و لا شنو !!!!!!!!!!!!!

((همسة : ما تخشوا في أغاني الحقيبة دي ... ذلك التراث العريق ، المليء بالمعاني الحلوة ))

و اديك العافية ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قمرالدين



عدد المساهمات: 123
تاريخ التسجيل: 15/09/2008

مُساهمةموضوع: رد: رائعة جعفر السقيد عم الزين   الأربعاء أكتوبر 29, 2008 3:52 pm

أخ التاج يسرنى مرورك وبرضو إنتو ورونا حاجة كمان من الحقيبة هيا والروائع الأخرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبوشراء



عدد المساهمات: 45
تاريخ التسجيل: 08/10/2008
العمر: 42

مُساهمةموضوع: رد: رائعة جعفر السقيد عم الزين   الخميس أكتوبر 30, 2008 8:18 am





عود من تاني وأزرع أرضك 0000

والله ليك وحشة ياقمر ولي أيامك وربنا
يجمع الشمل من تاني ولي أرضنا نعمر
وحلو الرائعة يا أبشنب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قمرالدين



عدد المساهمات: 123
تاريخ التسجيل: 15/09/2008

مُساهمةموضوع: رد: رائعة جعفر السقيد عم الزين   الخميس أكتوبر 30, 2008 8:40 am

والله مرورك يسرنى يابو شراء وإنتو واحشنى أكتر ونتمنى ذلك من الدواخل للعودة ولم الشمل وربنا يدينا ويديكم العافية

أبشنب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

رائعة جعفر السقيد عم الزين

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» وصفات رائعة لصفاء البشرة

صلاحيات هذا المنتدى:لاتستطيع الرد على المواضيع في هذا المنتدى
منتدى العريباب (مدني) ::  ::  :: -