منتدى العريباب (مدني)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى العريباب (مدني)

العريباب فى حدقات العيون
 
الرئيسيةأحدث الصورالتسجيلدخول

 

 ضل الغيمه

اذهب الى الأسفل 
3 مشترك
كاتب الموضوعرسالة
mdtayeb

mdtayeb


المساهمات : 291
تاريخ التسجيل : 13/09/2008

ضل  الغيمه Empty
مُساهمةموضوع: ضل الغيمه   ضل  الغيمه I_icon_minitimeالأربعاء نوفمبر 12, 2008 7:36 pm

ضل الغيمه الفوق راس بيتنا
والنقناقه الابت ما تفوتنا
وصوت التيران الجايه ورايحه
جايبه الخير من لتكيتنا
وحاج ازرق فوق قرآنه
صوته يجلجل فى خلوتنا
والدعاش الماسك فوقنا
معطر كل اطراف حلتنا
وآآه يا حلتنا
الناس الحنينه الطيبه
الشاى جاهز ...الغداء حرم فى بيتنا
وقيزانه القايمه ورابطه
فوق باقى بيت حبوبتنا
وزيراً بارد وناقع
وين للعين المنها شربنا
المويه الحلوه الطاعمه
انشاء الله تكون من جدولنا
والجنا الحاضن طوريته يدوبى
الليل..نحن أولاد بلد
نقعد ونقوم على كيفنا
مالو ومال المنبه...
وخصم الماهيه الابا ما يفارقنا
خليك فى زراعتك
وارعى ارضنا
وبى طوريتك شق الارض
وبى عرقك أسقى زرعنا
مالك ومال الماهيه الما طلعت
واكل العلب السوسنا
أحسنلك طيناً فى كرعينك
ولا الرطوبه الفى ركبتنا..؟
ولا تأكل الجكن الرومى
وتخلى تقلية حبوبتنا
ماللك ومال الغربه
خليك فى حلتنا
ضل الغيمه الفوق راس بيتنا
والنقناقه البت ما تفوتنا
وآآآه يا حلتنا...........
الرجوع الى أعلى الصفحة اذهب الى الأسفل
سلمان يوسف (ود ابقرد )

سلمان يوسف (ود ابقرد )


المساهمات : 27
تاريخ التسجيل : 24/11/2008

ضل  الغيمه Empty
مُساهمةموضوع: رد: ضل الغيمه   ضل  الغيمه I_icon_minitimeالسبت نوفمبر 29, 2008 3:21 pm

سلام ود الخالة مشتاقين والله وكلامك سمح بلحيلو الظاهر عليهو ده كلام شوق ساااااى........ ربنا يرد غربتك
الرجوع الى أعلى الصفحة اذهب الى الأسفل
قمرالدين

قمرالدين


المساهمات : 123
تاريخ التسجيل : 15/09/2008

ضل  الغيمه Empty
مُساهمةموضوع: رد: ضل الغيمه   ضل  الغيمه I_icon_minitimeالأحد نوفمبر 30, 2008 9:05 am

تحياتى وأشواقى أخ سلمان لتصحيح المعلومة دا ما محمد ودخالتك دا محمد الطيب عتمان
الرجوع الى أعلى الصفحة اذهب الى الأسفل
mdtayeb

mdtayeb


المساهمات : 291
تاريخ التسجيل : 13/09/2008

ضل  الغيمه Empty
مُساهمةموضوع: رد: ضل الغيمه   ضل  الغيمه I_icon_minitimeالأربعاء ديسمبر 17, 2008 1:31 am

[quote="قمرالدين"]تحياتى وأشواقى أخ سلمان لتصحيح المعلومة دا ما محمد ودخالتك دا محمد الطيب عتمان[/
quote]



لك التحيه أخ سلمان وكل عام وانتم بخير

و سلام خاص للضيف العيد معاك



و لك الف تحيه يا ابو شنب

و كلنا اولاد العريباب


flower flower flower
الرجوع الى أعلى الصفحة اذهب الى الأسفل
 
ضل الغيمه
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى العريباب (مدني) :: القسم العام :: المنتدى العام :: منتدى الشعر والشعراء-
انتقل الى: