منتدى العريباب (مدني)

العريباب فى حدقات العيون
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 المساطيل و الحديد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يوسف فيصل



المساهمات : 3
تاريخ التسجيل : 09/11/2008

مُساهمةموضوع: المساطيل و الحديد   الثلاثاء يناير 27, 2009 4:02 pm

المشهد الأول: شارع مدنى
***

عربيه لادا عطلت الساعه 5 الفجر الراجل ما عارف يصلح العربيه و لا حد راضى يقف ليهو ؛شويه ووقفت له عربيه
بى أم دابليو و نزل صاحبها - ولد كلاس و شفاتى - يعرض المساعده
و بعد مداولات:
- الحديدة دى ما حتظبت, لازم اقطرك ورايا لحد الطرمبة.
- متشكرا جداً , بس على مهلك عليا عشان ما اخبطك.
- مكاسب يا عمك , و لو سرعت وزودت عن 80 أدينى كنتك بس, أوكى؟
و انطلقوا بالفعل و كل حاجه ماشيه تمام, 10دقايق و عدت عربيه مرسيدس ايه كلاس زى الصاروخ وولد خنفس تانى مادى يدو و بيقول:
- الحاصل شنو يا سكسك , انت ماشى بى 20 ولا شنو يا حفتى؟هى دى أقصى سرعه للكارو بتاعتك دى صح هاهاااى؟

طبعاً عم وائل دمه فار و شغل شريط راسطات و كبس على دواسه البنزين على الآخرو فى ثاوانى كان مقفل 160 بيحاول يجيب المرسيدس ' أما سواق اللادا فقلبه و قع فى رجلينو .. و شغال يكنتك و يضرب بورى و يعمل هازرد و ما فضل اللا يفتح الكبوت بس و لا حياة......

***
أستراحـــــــــــــــه
***

المشهد الثانى:عربيه الردار
الضابط فى جهاز اللاسلكى: جنابو على, هل تسمعنى؟حيمر عليك مرسيدس ماشى على 140 سيبك منه, وبى أم على 160, سيبك منه برضوا , وكرفس لى أبن الكلب اللى سايق اللادا البيكنتك ليهم علشان يتجاوزهم
ده!

***
فاصـل أعلانـى و نعود
***

المشهد الثالث:كمين الردار
ملازم على: تمام يا فندم, بس ديل مروا خلاص و الكمندان ابكرايا غمر لما شاف اللادا !!!

******************

المشهد الرابع و الأخير:مستشفى الشعب
تامر(بباقى السطلة)(صاحب المرسيدس)مربط و محبس و مدغدغ بيسألوه عن الحصل قال:
كنت ماشى على 140, عربيه بى أم ختتها لى , قلت يا مان ده شنو يظهر الأنا ماشى بطئو قبل ما ألحق أدوس ابنص لقيت عربيه لادا معديه منى هى كمان, قلت انا معناهو واقف عديل , قمت فاتح الباب و نازل اشوف عربيتى واقفه ليه لقيت نفسى هنا!
النهايـــــــــــــــه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عباس الهادى جادالله

avatar

المساهمات : 107
تاريخ التسجيل : 11/09/2008

مُساهمةموضوع: رد: المساطيل و الحديد   الجمعة يناير 30, 2009 5:20 pm

سلام الاخ يوسف
حقيقى دى شديده ,جبتها من وين.
ومرحبا بك فى المنتدى.
عباس الهادى
afro afro afro afro afro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المساطيل و الحديد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العريباب (مدني) :: القسم العام :: منتدى الطرف والنوادر-
انتقل الى: