منتدى العريباب (مدني)

العريباب فى حدقات العيون
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 من أشعار الشاعر العريبابي طـــه أحمد النـــور

اذهب الى الأسفل 
كاتب الموضوعرسالة
Tajuddin

avatar

المساهمات : 131
تاريخ التسجيل : 15/10/2008

مُساهمةموضوع: من أشعار الشاعر العريبابي طـــه أحمد النـــور   الإثنين فبراير 23, 2009 10:42 am

السلام عليكم أهل العريباب جميعاً .... ربي إديكم الصحة و العافية و راحة البال ...

أولاً : من هذا المنتدى ، التحية و التقدير للشاعر العريبابي : الأستاذ طه أحمد النور... ذو الإحساس المرهف و الحنين الفياض ..


في الحقيقة جمعت حوالي (4 ) من قصائدة الحلوة حينما ألتقيت به ... و أذكر أن له قصيدة بعنوان ( العريباب عروس النيل ) و هي من أروع ما كتب حيث فيها المعاني و الدرر عن العريباب و تمثل لوحة كاملة عن ملامح العريباب بس القصيدة ضاعت مني و جارى البحث عنها و أرجو اللى عنده يقوم بتنزيلها ..

و هذه دعوة للجميع للمشاركة بما كتبه الأستاذ المبدع : ...



من أشعار : الشاعر العريبابي / طه أحمد النور :



( 1 )

[b]
يا حِـلوتنا

مِنو الغيرك يا حِلوتنا بنسرج ليهو لهفتنا ؟

تتوق أرواحنا ليهو دوام تهش لخطاهو سكتنا

حولو ترف أمانينا و ليهو تتشابى غِنوتنا

تدفِق سيرتو فينا الريد تهدهد صحو أنتنا

حروفو الحلوة تسطع ماس و تضوى نجوم في ساحتنا

منو الغيرِك يا حِلوتنا .. بنسرج ليهو لهفتنا ؟



منو الغيرك بيشرق ريد يزغرد يوم يلاقينا

يغرس فينا خطوِ نشيد و يسبح شوق لعينينا

يفر بسماتو لينا بساط قبل يلحق و يحيينا

ندوّب في بسيمتو هموم

و نفرِد ضي جمالو غيوم

نسافر في عيونو حنان و نحضن فيها بهجتنا

منو الغيرِك يا حِلوتنا .. بنسرج ليهو لهفتنا ؟




و نكمل البقية فيما بعد إنشاء الله

و دمتم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Tajuddin

avatar

المساهمات : 131
تاريخ التسجيل : 15/10/2008

مُساهمةموضوع: رد: من أشعار الشاعر العريبابي طـــه أحمد النـــور   الأحد يونيو 14, 2009 10:15 am

تكملة :


لوحة

حاجة في عينيك بتاخد روحي من تيه المنافي
و تطوف فيها في دنيا الحنان
لما تسرح غيمه بترش الأماني
و تغسل الحزن اللى كان
لما تضحك تزرع الباحات أغاني
للبعاني و نفسو إفرح من زمان
كم بدفّق فيّ شهدك لما احاصرك بى مشاعري
و ابدأ أرحل في عيون حِلوه و خجوله
من مداخلك بقرأ داخلك .. لوحة عنوانا الطفولة
من منابعك لى مصبك بقرأ حبّك .. دنيا بتموج بالعذوبة
و أبقى سابح في المحنّة .. لى ضفاف مخضّرة طيبة
و أبقى داخل في دواخل ..
كم لطيفة..
كم شفيفة..
و كم رحيبة ..











البعد العاشر
آهـ لو أقدر أنظم نبضى شان أهديهو لقاك العاطر
فيك الذات مسكوبة قصائد روح الروح أنا صُغتُه جواهر
بس بهديك لهيب الفُرقة تسّاب الشــوق المدّ الدافر
و اهدى حلاتك دفء اللقيا و بيكِ بدوزن بعدي العاشر
@@@@@@
أهـ لو أقدر يوم أبقاك أو أقراك بحس الشــاعر
كان وشّحت الصحرا حدائق كان روّضت الغيم النافر
و كنت بونّـس بيكِ نجيمة و طفلة بتنثر روحـا أزاهر
لمّا أحكيلا(فاطمة السمحة) تغيب بالحس في الزمن الساحر
@@@@@@
إنت الماضى الشايلو معزّة تحفة هسّة و رعشة باكر
عِزّ الصحوة بتطلعى إنت و وسط السهوة بتملى الخاطر
سـاكنة النبض الساكن ومضة لحظك وفيها مسافر
واهدى حلاتك شهد حلاتك وبيكِ بعطّر بعدي العاشر










سهوة زمن
لا اللُقيا بيك سهوة زمن .. لا الصدفة ليك كانت دليل
فتّشت ليك في كل مكان.. و سألت عنكِ كل جيل
ليّ زمن أنا بيك بحلم .. و ظني إنك مستحيل
و نشقت ليك يا حلوة فوق نفحة دعاش
شايلك معاي إحساس بعطّر عمرى فال
يا رحيق كل الأماني السابحة في دنيا الخيال
يا روعة الدهشة البتسكن لُقيا ما كانت بِبَال
@@@@@
و نشقت فيك .. معاك سحاب الهَمّ نزح ..
عمرى إنتشى .. و الكون توشح قوس قزح
ضاءت سنين .. و هواكِ غار جواى بعيد ..
أيقظ مدائن الإرتياح
فجّر ينابع الريدة و الفرح السجين
صِِحت الحروف الهاجعة في كهف الضياع
رقصت عذارى القول على ساحة بهاك
غنى اليراع المشتهيك ..


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من أشعار الشاعر العريبابي طـــه أحمد النـــور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العريباب (مدني) :: القسم العام :: المنتدى العام :: منتدى الشعر والشعراء-
انتقل الى: