رحلة مع إبليس
حاولت كثير بيك اتوحد
لكني بقيت مكسور خاطر
وارجع أقول انت الشاطر
غيرك أبلد
وشقيت بجراح حظي العاثر
وريدك لي ومده الظاهر
في عينيك وصرت الأبعد
أحاسيسي بتهرب منك
زي طيف عابر
سحابة وعدت وعبر ساتر
وقلت أسيبك وإنت في بعدك يمكن قادر
إنت الأسعد
ودي حال دنيا تلم وتفرق وتبقى دفاتر
حظ الدنيا وياما الناس سووها منابر
وبيخطب غيرهم فاهم وذاكر
ويطلع ويخطب فيها العبد القادر
وتفضل أعند
ودا حال دنيا عبور لمسافر
كثير بتغادر ناس وتسافر
تفوت تتوحد في وجدانها كثير بتهاجر
وأنا خايف أنا ألقاك هناك يا غادر
والأرواح ما أظن تتلاقى لكن بيك تجمعني مقابر
والإحساس يفضل يتسرب ما بين حائر وما ظن حائر
كايس يتوحد
ويقوم إحساسك يدخل قبري وبرضو أهاجر
وأبعد أكثر يقرب أكثر واقول يا ساتر
حتى إبليس في قبورنا معشعش وحامد شاكر
حتى الألحد
في قبري هناك قاعد يشحد وبقى يتهجد
ما نحد خلاص فوتناه الحد ودخلنا اللحد
ودا شن داير بس شن داير يا ابليس بس شن داير
والله أقول ليك غادر غادر انت مجرد واحد عابر
بس كيف عابر وما خليتها وحتى مقابر
دفع إيجار قبري الثاني ناسي الماضي وقلنا الحاضر
نور العتمة الضلمة النور الحالك الحر الكتمة البرد الصيف
الحار النسمة سواد النور الأبيض
ما بتجدد
يقوم يتمدد راقد جنبي وأنا أصلى ممدد في القطر الطائر
حجزت تذاكر بس قلت أغادر ودفعت رسوم القبر الثاني
بطيب خاطر شوية قام قطر الدخان يا الله منو الفنان
منو الفنان السايق شخصك يا إنسان
موضوع: رحلة مع إبليس 
الثلاثاء مايو 19, 2009 12:15 pm