منتدى العريباب (مدني)

العريباب فى حدقات العيون
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 رساله للمغتربين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ود الحله

avatar

المساهمات : 95
تاريخ التسجيل : 27/01/2009
العمر : 33

مُساهمةموضوع: رساله للمغتربين   الخميس مايو 21, 2009 2:07 pm

قبـل السفر

قبال تمرْقو من الوطن
وتموت جواكم سُمرَتو
قبال تأشرو للخروج
وتذيدو جرحو وحُرقََتو
قبال تبيعوه للمحن
وتخلُّو في عز كُربَتو
قبال تسلِّمو للصراع
والفرقه
والخوف
والسطو
قبال يبيعوه للغريب
وتضيع نضارتو وهيبتو
قبال يقسْمو حِتتْ حِتتْ
ويفقد تواريخ عِزتو
قبال تفوت شمسو وتغيب
ويفرض علي الناس عتْمتُو
قبال تسافرو من الوطن
وقبال يسافر حتُّو هو ،،
ما تنسو إنو كسير جناح
ومحتاج شديد لي فتيتو
هو أكان عليو
لا يفوتو زول
لا تفضي في يوم حِتتُّو
تفضل ولادو معاو دوام
وترجع سريع
كل الطيور الفاتتو
كل خانه حتسدوها في يره البلد ،
محتاجه شان يملابا بيكم فجَّتو
وطناً رعاكم كُت صغار
ما قصَّر أداكن حنان
وكل البفيض عن حوجتو
داير وكت تصمُت ايديو
ويخونو جواهو النضِم ،
تبقولو فخرو وحجَّتو
وهسع بعد ما كبرتو فيو
وسويتو من أنفاسو ريش ،
دايرين تطيرو خلاص بعيد
دايرين تخلوه للغريب
لآمن يموت بي حسرتو !
الغربه ما بتبنيلا بيت
بالعكسِ هي البتشتّتو
والغربه ما بتصنع رجُل
بالعكسِ هي البتكلفتو
بتهينو ما بتحترمو قط
بِدُّقو ... هي البِتكفِّتو
ياها البِتكتل فيو وفاو
ياها البتسلب إلفتو
الغربه بتقص الضهر
بتقسِّى قلب المغترب
بتنسِِّى حنيةْ الأهل
بطردو من جوف ملَّتو
وكمين نفرتابع سرابا
ولا وصل
لا تاني عاد لي سكَّتو
زيف العمارات الهناك
أحسن عليو طين حلَّتو
وأحسن كتير
الزول يموت
جوه الوطن بي ذلَّتو ،
من لو يعيش
إنسان عزيز في غربَتُو ...
15\2\2007م
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Tajuddin

avatar

المساهمات : 131
تاريخ التسجيل : 15/10/2008

مُساهمةموضوع: رد: رساله للمغتربين   الأحد يونيو 14, 2009 10:40 am

كلام 100% .... اديك الصحة و العافية ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mdtayeb

avatar

المساهمات : 291
تاريخ التسجيل : 13/09/2008

مُساهمةموضوع: رد: رساله للمغتربين   الأحد يونيو 14, 2009 11:36 pm

ود الحله كتب:



الغربه ما بتبنيلا بيت
بالعكسِ هي البتشتّتو
والغربه ما بتصنع رجُل
بالعكسِ هي البتكلفتو
بتهينو ما بتحترمو قط
بِدُّقو ... هي البِتكفِّتو
ياها البِتكتل فيو وفاو
ياها البتسلب إلفتو
الغربه بتقص الضهر
بتقسِّى قلب المغترب
بتنسِِّى حنيةْ الأهل
بطردو من جوف ملَّتو
وكمين نفرتابع سرابا
ولا وصل
لا تاني عاد لي سكَّتو
زيف العمارات الهناك
أحسن عليو طين حلَّتو
وأحسن كتير
الزول يموت
جوه الوطن بي ذلَّتو ،



15\2\2007م




السّفر أحد أسباب المعاش التي بها قوامه ونظامه، لأن الله تعالى لم يجمع منافع الدنيا في أرض بل فرقها، وأحوج بعضها إلى بعض، ومن فضله أن صاحبه يرى من عجائب الأمصار وبدائع الأقطار ومحاسن الآثار ما يزيده علماً ويفيده فهماً بقدرة الله عزَّ وجلَّ وحكمته، ويدعوه إلى شكر نعمته، ويسمع العجائب ويكسب التجارب ويفتح المذاهب ويجلب المكاسب ويشدّ الأبدان وينشط الكسلان ويسلي الأحزان ويطرد الأسقام ويشهي الطعام ويحط سَوْرة الكِبْر، ويبعث على طلب الذِكْر.
وقد مدح الله تعالى المسافرين فقال سبحانه: {وَآخَرُونَ يَضْرِبُونَ فِي الْأَرْضِ يَبْتَغُونَ مِن فَضْلِ اللَّهِ}(20) (سورة المزمل)، كما أمر جلّ اسمه بالسفر فقال: {فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ} (10) سورة الجمعة، وقال جلّ وعلا: { هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِن رِّزْقِهِ وَإِلَيْهِ النُّشُورُ } (15) سورة الملك.



وإذا الدّيار تنكرت عن أهلها
فدعِ الديار وأسرع التحويلا
ليس المقامُ عليك حتماً واجباً
في بلدةٍ تدعُ العزيزَ ذليلا



وقال الطريفي:

أرى، وطني كعش لي
ولكن أسافر عنه في طلب المعاشي
ولو لا أن كسب القوتِ فرضٌ
لما برح الفراخُ من العشاشِ





ولكم الشكر
و رد الله غربة كل غريب
و لو كانت غربه مع الذات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ود الحله

avatar

المساهمات : 95
تاريخ التسجيل : 27/01/2009
العمر : 33

مُساهمةموضوع: رد خاص جداً   الخميس يونيو 25, 2009 8:38 pm

عزيزي :
الوطنُ هو ما نحلمُ به ... لا مايرسمونه لنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mdtayeb

avatar

المساهمات : 291
تاريخ التسجيل : 13/09/2008

مُساهمةموضوع: رد: رساله للمغتربين   الأربعاء يوليو 29, 2009 2:05 pm

ود الحله كتب:
عزيزي :
الوطنُ هو ما نحلمُ به ... لا مايرسمونه لنا

[size=18]
أخي ::

الوطن بقعه جغرافيه معروفه تحد بحدود متوارثه من الآباء و الجدود , وهو ذكريات من أفراح و أتراح منذ الطفوله و الصبا وهو الذي يجمعنا بافراد برابط قوي , وهو أنا و أنت و أنتم


أما الحلم لم يكن يوما وطنا فالحلم حلم و الرسم يظل رسما
"[/
size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رساله للمغتربين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العريباب (مدني) :: القسم العام :: المنتدى العام :: منتدى الشاعر معز عوض ابوالقاسم-
انتقل الى: