منتدى العريباب (مدني)

العريباب فى حدقات العيون
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 طيبه سلَّمتك عيوني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ود الحله

avatar

المساهمات : 95
تاريخ التسجيل : 27/01/2009
العمر : 33

مُساهمةموضوع: طيبه سلَّمتك عيوني   الخميس مايو 21, 2009 2:40 pm

طيْبـَه

طيبه سلَّمتِك عيوني
إنشاء الله تاني تقدِّدِيها
جيت لقيتك
فيني غنوه
كلمه بتفتش براحا
طفله بتحاول تغني
شان تغطي
فارق الزمن الموسيقي
البين غناها
وبين غنا المدُن الكريهه
غني ساكت صوتك أحلي
خيرلي من نم الحكومه
ومن تراتيل صوت المواجع
ومن نشاذ صوت الحقيقه
يا دراويش الخلاوي
يا قُبب ناس الطريقه
خلّو بالكم من عيونا
شيلوا شيلة الهم معاها
رشُّوا بالضحكات طريقا
طيبه يا قبلة عيونا
جينا بي خُطواتنا ليكي
لا بعجِّز سيرا وحَّه
لا شتا الخوف والمآسي
لا سموم الصيف تعيقا
طيبه بالجد عدْ نريدك
عدْ نقدِّس لون ترابك
ولوحة التُرَع العتيقه
فاعذرينا إذا عبدنا
يمه عينيكي النيقه
أستغفر الله من عيونك
طيبه من نورا وبريقه
يا بدايات التآلف
يا خواتيم المحنَّه
ولهفة الناس التريدِك
التقالدك حين تنوحي
ويسقو بي خيرُن وريدِك
التضُمِّك حين تخافي
التدسِّك في عيونا
يمه لو لاقين طريقه
طيبه أمنتِّك ولادِك
أوعي بي حنِّك تضنِّي
دِسي من الدنيا دينُن
شيليهُن
سبحه في بدل البنادق
وأزرعيهُن في سهولك
شان يقومولك مسيد
يبقوا لالوبه ودوايه
يبقوا بي فضلك تكِيَِّه
يبقوا حيران لي ترابك
ينحتوك يا طيبه فيهم
وتحييِّ في ذاتن رضيَّه
أبقي عشره علي بُطانك
وأبقي ميه علي السعيَّه
أدي حدْ ما فيكي قدره
وأبقي للسايلين سخيَّه .....
10/5/2006م
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طيبه سلَّمتك عيوني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العريباب (مدني) :: القسم العام :: المنتدى العام :: منتدى الشاعر معز عوض ابوالقاسم-
انتقل الى: