اين منتدي الشكاوي ياساده

[size=24]يااستاذ عندي مشكلة صغيرة صاحبك تعب شديد عشان اصمم توقيع فلاشي
كويس الود عامل فيها مقطع النت والبرامج مشيت عملت التوقيع ياحبه
وكمان عملت ليه اب لوود في النت ( يعني رفعت الفلاش بالعربي المقطع)
لحدي هنا والود متفائل شديد
اه يازول قمت عرفت الطريقة
مشيت لوحة التحكم الخاصة بي
دستا فيها كلك
مشيت التوقيع
اه هنا عمك وقف لط
بي جاي لي جاي نقشت الحته الممكن اخت الرابط
يازول دسته فيها كلك
نسختا الرابط
عملت سجل
اه هنا عمك بطنو طمت
التوقيع جاني في شكل رابط ميت
مشيت سالتا
قالو لي المنتدي بتاعكم مامتوطر
يعني بالبلدي كدة لسه عليهو شويه
يازول زعلت قلت الا امشي قسم الشكاوي وارفع شكوي لي ادارة المنتدي
فتشت قريب الساعة لمن ساعتي خلصت
قمتا تاني دفعت حق ساعة وما لميت في قسم الشكاوي
قايتو عملت موضوع جديد
قلت امكن واحد من الجماعه اقراهو
وويقوم يحل المشكله دي
لو عاينتو تحت الموضوع بتلقي الرابط