زمن الياهو والهوتميل والاسكاي

الانترنت
خربت البنات يا الانترنت
يحفظن الله من زمنا عصيبا جاي
بنات الياهو والهوتميل والاسكاي
البنت قاعدة في ام درمان ويعاكسوها في لاهاي
تلقي ابوها قاعدة برة يسمع ! ايوة معاك انت معاي
ما بيعرف هو ما مسكين وقايل البنت بتقراي قراي
مطمن وحارس وعارف مافي زول بي جاي
والبت قاعدة في الاسكاي تسمع في كلام معسول
ومرات فجاة تصرخ واي تقول لابو ها جاني مغص وطعنة بي جاي
مسكين ابوها المن زمن ناس يافاطنة سوي الشاي
العجب العجيب كان لقت واحد كلام عســـل
تنسي فطورة والموية والشاي
ما بقولو السلام عليكم !كلامهم كلو هلا وغلا وهاااي
و وين مش باين انا معاك سامعني انت معاي
ا كان نادوها بتقول امي عندي قرااي
تساهري الليل مع الشبان وغاشة الوالدة تنقل ليها فوق الشاي
وفاكرة القصة ياها قراي
وين يا ابوها وين يا اخوها وين يا هناااااااي
ماشفت البنات في الريف مابعرفن مقاهي النت ؟
بعرفن لي سترت الحال
بكرمو الضيف إلا يقول براهو كفاااااااااي
ابوها ضراع واخوها ضراع مدخور لي زمن قسأي
ثابت زي جبل ! ما بتهزو حرم عاصفة الهبباي
عرفنا القهوة فوق البيت وفي ضل الضحي الشاشاي
ومن ما قمنا ياها القهوة جبنة وشاي
الا الليلة جابت ليها انترنت. يستر الله من الوسكي والتكاي
ابوها يجيبو بالاقصاد وفاهم للحكاية قراي
مسكين ما بعرف الكام ولا الهوتميل ولا الاسكاي
كان فرطتة فيها ياحاج
بعد ما كنت دود واسد بتبقيك عتوت دغاااااااااي
مهزوم ضما بين الناس
وكتين يحكو ! تدنقر انت تسكت ساااي
عشان مرقت وجابت ليك وليد تاتاي
واول مرة لاقت ابوهو في الاسكاي
تبكي لي مين وتشكي لي مين
حتي اخوها اصبح خال للولد الحكايتو حكاي
اهلنا بيقولو البنت لو اتعلمت بتقدر بتعرف الصاح من الغلط
وعشان كدا بنلقي الاب في البيت بيركز علي البنات والصغار
وبيرفع المسؤلية من البنت الكبيره بقول هي متعلم ما عاوزة
مراقبة تاني براه بتعرف الصاح شنو والغلط شنو وبالعكس تماما يجب ان تكون
الرقابة علي البت حتي لو كانت كبيرة واقول للبنات ما تزعلن مني اخوكم وخايف
عليكم
واللة يستر بناتنا وابقو عليهن عشــــــــــــــرة