دعوة الى الزمن الجميل

مش عارف كلما أكتب كلمات في الزمن الجميل تأبي الشبكة أن تعمل عندي وتضيع في الهواء .. ليه كدا يا أحلى زمن ..........؟
أنا مصر على الزمن الجميل ..
رغم أن الماضي دائماً أحلى باعتبار أنه شوق للمستحيل .. لكن ليس كل ماضي أحلى وما علينا إلا أن نغض الطرف عن صفحات حزينة في ذاكرة الزمن الجميل .. وننظر في أيام الفرح والجمال في أخرى ..
آه يا أجمل زمن ...
كثيرة كلمات كتبناها فيك وأقسمت أن تأكل سطورها رويداً رويداً حتى آخر حرف ..
زمان والناس بتتحكى .. وساقية حزينة كان بي صوتها تتبكى ..
هذا الحنين إذا اختلط عندك بشيء حامض المذاق يسمى الغربة ستخلق في جوانحك أحاسيس ومرارات وشجون لا تستطيع أن تصفها ولا تعبر عنها ..
كم دمعة سالت .. وكم قصيدة كتبت .. وكم أغنية ومعزوفة أبكت سامعيها .. في روعة هذ الزمن الجميل قطار الهم ..
قولة يمة
ولبن الشاي وحجا الحبوبة
وجبنة ست الريد الرايقة
عصافير في الشدرات يتغنو
ونهرة يابا ودمعاتو
وخدار السوق جابنو سواقي
وهوى الرايقات غزلنو طواقي
وصبن فيه جداول شوق ومحنة
على الساحات
قصبات يتمايلو فرحانين
بصباح الدنيا وضحكاتو
ونخيل رويان من ثدي النيل
يتمايل زي ست الريد
لمان بي شوق ترمي الشبال
.
.
يا ريت لو أقدر أكمل ... ولو دايرين تعرفو شوقي الحاصل بي كلمونى

لك التحية يا بروف ... كلام جميل .. و تعبير سامى .. مشوق .. مدوزن .. معبر عن حقائق ...
و حقيقة أتحفتنا بكلامتك المموسقة ... فعلا الزمن الجميل .

و حقيقة أحب أضيف تعليق أكثر عن كلامك ... لكن عجزت عن التعبير و التعليق .. و فترت الحروف عن التعليق

و لكن أقول :

لو عرف الناس معنى التلاقى لأحبوا التفرق من أجل التلاقي

شكرا جزيلا اخي البرووف الصادق عمر علي الدعوة للمشاركة في هذا الصرح الطيب
واتاحه فرصة جديدة للتواصل مع ناس من الزمن الجميل...

نعم صديقي هناك زمن...اصيل...جميل...تمر فيه باحلي الظروف واسعد اللحظات,
قد تمر عبر الازمان ويطغي عليها غبار الماضي لكنها تظل وتبقي مغروسه فى الفؤاد
كلماهطلت عليها دموع الذكريات نبتت من جديد وتذوقنا حلاوتها....

نسأل الله ان يوفقنا جميعا لربط التواصل...
تحياتي الخالصة للأخ الفاضل عباس الهادي وكافة الاخوة داخل وخارج الوطن الغالى وكل عام والجميع بخير...
محمد الطائف

شكرا على الاطراء الجميل
اتذكر تلك الايام الجميلة من مدرسة العريباب المتوسطة
ومدرسة السنى والتفاصيل الجميلة
اتذكر تلك الايام ليت الزمن يتوقف عندها
لنجتر اجمل الذكريات
سوق الدرجة ومعاكسة بنات مدرسة الليثى
اه من زمن وعثمان تايقر ود عترة
اتذكر
لك الحب ودالطائف على المرور