أغنية جديدة لشعبان عبد الرحيم
خلاص مالكش لازمة.. يا بوش يابن الذين *** تستاهل ألف جزمة.. على اللي أنت عملته فينا
الجزمة كانت مفاجأة تمام زي الزيارة *** الدنيا بحالها فرحت والناس فضلت سهارى
يا قلوب كتير حزينة قومي ياللا اتبسمي *** شوفي بوش وهو خايف والجزمة بتترمي
بصراحة مقدرش أغشك وأقول زعلت عليك *** يا ريتها جت في وشك وخزأت عينيك
صدام اللي أنت دبحته في أول يوم العيد *** أهو أخد بتاره وفي نفس المواعيد
تحية عشان منتظر وتحية لجزمته *** فرحنا في بوش أخيرا على آخر خدمته
بجزمتين في وشك هتسيب أمريكا على نارك *** ويا عيني مش هتلحق يا بوش تاخد بتارك
فيه ناس كتير بسببك في الدنيا مبهدلة *** بتقول يا ريتها كانت صاروخ أو قنبلة
العالم كله شافك وبالسعادة حس *** والجزمة زي الكورة وداخله في المقص
مليون شهيد وأكتر في الجنة فرحانين *** ربك كبير وقادر يهد المتفرعنين
موضوع: خلاص مالكش لازمة.. 
الأربعاء ديسمبر 17, 2008 2:53 am