آسف
آسف علي يوما غدر بيك
يجرحك
آسف علي كل شيء يعكر
صفوتك
لو كان بيدي أكون معاك
امسح أكفكف دمعتك
اقسم معاك المر
عشان أنتي الوحيدة في دنيتك
الناس نجوم
أنتي القمر في طلتك
برق الضراع ذي بسمتك
قال النسيم خجلان
يداعب خصلتك
دنيا غير عينيك ظلام
وتشع شموع في طلتك
إيه العسل
لو قالو يشبه شفتك
وشنو الدهب
ما أنتي المع منو في لون بشرتك
كل البراءة بشوفة في
غريد عيونك ونظرتك
آسف
عشان غدر الزمان خلي الدموع
تنزل تبلل مهجتك
خلي الدموع !
خايف عليك من النسيم ما يخدشك
وكمان عليك من الشمس
تقلب نضارة بشرتك
آسف
أنا الكنت السبب في جرحتك
سيبي الكلام للناس
وخليك عايشة في جو فرحتك
الناس نجوم .
أنتي القمر في طلتك
الناس تحت .
أنتي الوحيدة في قمتك
ذي ما غدر بيك الزمن
جاب الدموع لي مقلتك
قادر أجيب ليك الفرح
امسح عساك وحسرتك
اكوي العوازل بالسعير
الكانو قاصدين فرقتك
الصـــــــــادق علي ادريس
عبدالله مصري شمال
العريبـــــــــــاب