جيتكم يا الحبايب عطشان بدور النم
في شدر السدار اتكل عشان انجم
نسام البلد الفيها المزاج بنتم
شوقاً للحبيب وكمان ولاد العم
ياعباس تعال كان ود الطيب كان زين
بندور السدار قولا" مكرب وزين
النضم السمح ما بدور اريبا وزين
داير ود قبايل يعوم الوزين
عباس كانو الصيام بهدل مسامعو شوية
جنب شارع الدبايب راميهو صحن الشية
اعصر على الوضوء اخدلك جغيمة موية
انا من حرو الشديد تقـول كـأني قعــوية
الشم خوخت زادن على احزانى
والغيرة ام لهيب فى قلبى جوة كيانى
البت ام خدود لو بالسلام تلفانى
لاح لى الفرج والهم ودر عدانى